Lestu um leikinn: Ísland 3 -  0 Moldóva

„Það var rosalega mikilvægt að ná þessu fyrsta marki. Það tók langan tíma að fá tilfinninguna fyrir þeim. Við vissum mjög lítið um þá ef ég á að vera alveg hreinskilinn. Síðan náum við að byggja okkur inn í leikinn og eftir það var þetta okkar leikur," sagði Jón Daði.

Það minnti óneitanlega svolítið á EM 2016 að sjá Kolbein Sigþórsson og Jón Daða Böðvarsson saman í framlínunni í kvöld.

„Það var frábært að fá Kolla með sér aftur. Þetta var smá nostalgíumóment ef að ég á að segja alveg eins og er. Hann er mjög 'fit'. Við vitum öll hvað Kolli getur, hann átti mjög góðan dag í dag og þá er erfitt að stöðva hann."

Það var reykistefna hvort að Jón Daði hafi skorað þriðja mark Íslands eða hvort að það hafi verið skorað af leikmanni Moldóvu. Fyrst var það skráð sem sjálfsmark en síðan var því breytt.

„Þetta er mitt mark. Þetta gerðist svo hratt og ég var mjög ringlaður. Ég man að hann snerti mig í síðuna áður en hann fór inn. Þetta er 100% mitt mark."

Nánar er rætt við Jón í spilaranum hér að ofan.