Valur endurheimti í dag toppsæti deildarinnar er þær tóku á móti ÍBV í 16. umferð Pepsi-Max deildarinnar en leikurinn endaði 4:0. Gengi ÍBV hefur ekki verið gott í sumar og var Sigríður Lára, fyrirliði ÍBV, svekkt í viðtali eftir leikinn:
Lestu um leikinn: Valur 4 - 0 ÍBV
"Mér líður ekkert vel, það er alltaf vont að tapa. Við ætluðum að verja og fá eitt stig úr þessum leik en það gekk ekki."
"Við lögðum upp leikinn með því að verjast en þær hafa þvílík gæði fram á við, þær skora og sýna gæðin sín á meðan við fáum líka flott færi í fyrri hálfleik sem við hefðum alveg getað nýtt. En svo fór sem fór."
Gengi ÍBV hefur ekki verið gott í sumar og eru þær aðeins tveimur stigum frá fallsæti. Næsti leikur liðsins er gegn HK/Víkingi og verða ÍBV einfaldlega að sigra þann leik:
"Já það er bara sex stiga leikur og við verðum að taka þann leik. En við þurfum líka að treysta á Keflavík að þær tapi sínum stigum. En þetta er í okkar höndum klárlega."
"Það er nóg eftir, 3 leikir sem við eigum eftir að spila og við þurfum að fara í alla leiki sem eftir eru með það hugarfar að vinna."
Viðtalið má sjá í spilaranum hér að ofan
Athugasemdir
