Kostic er ekki í áformum Thiago Motta, nýráðins þjálfara Juventus, og fær því að reyna fyrir sér í nýrri deild.

Kostic er 31 árs gamall og er samningsbundinn Juve til 2026 eftir að ítalska stórveldið keypti hann frá Eintracht Frankfurt fyrir tveimur sumrum.

Kostic á aðeins eftir að standast læknisskoðun áður en hann verður tilkynntur opinberlega sem nýr leikmaður Fenerbahce.

Tyrkirnir munu eiga möguleika á að kaupa Kostic fyrir um 6 milljónir evra á meðan á lánsdvölinni stendur.

Kostic kom við sögu í 87 leikjum á tveimur árum hjá Juve eftir að hafa unnið Evrópudeildina með Frankfurt.

José Mourinho er þjálfari Fenerbahce og hefur miklar mætur á Kostic sem er orðinn partur af afar sterkum leikmannahópi.

Hann mun æfa og spila með leikmönnum á borð við Sofyan Amrabat, Youssef En-Nesyri, Allan Saint-Maximin, Fred, Dusan Tadic og Edin Dzeko.