Davíð Atla og Aron Þrándar ekki með Víkingi í kvöld

Bakvörðurinn Davíð Örn Atlason og miðjumaðurinn Aron Elís Þrándarson verða ekki með í Evrópuleiknum í kvöld vegna meiðsla.

„Davíð verður frá í þrjár til fjórar vikur, Aron verður mögulega í hóp í seinni leiknum," segir Arnar Gunnlaugsson, þjálfari Víkings.

Víkingur tekur á móti Shamrock Rovers í fyrri viðureign liðanna í forkeppni Meistaradeildarinnar í kvöld. Sparta Prag verður mótherji sigurliðsins í næstu umferð.