Guðni Bergsson hér ásamt Ríkharði Daðasyni
Guðni Bergsson, formaður KSÍ, var eins og öll þjóðin gríðarlega ánægður með afrekið sem hafðist í kvöld. Ísland spilar á HM í Rússlandi á næsta ári.
Ísland vann Kósóvó 2-0. Gylfi Þór Sigurðsson og Jóhann Berg Guðmundsson skoruðu mörkin og komu Íslandi þannig á HM sem fer fram í Rússlandi á næsta ári.
Guðni Bergsson ræddi við Fótbolta.net strax eftir að flautað var til leiksloka í kvöld.
„Þetta er draumi líkast, frábær árangur, frábært lið og ég er svo stoltur af þessum árangri. Það er makalaust að upplifa þetta sem gamall landsliðsmaður og þetta er frábært. Ég á erfitt með að koma þessu í orð," sagði Guðni.
Hægt er að sjá viðtalið í heild sinni hér fyrir ofan.
Athugasemdir
