Phil Foden er talið mikið efni en spiltími hans hjá Manchester City hefur verið mjög takmarkaður sökum fjölda gæðaleikmanna sem hann berst við um sæti í liðinu hjá Pep Guardiola, stjóra liðsins.

Guardiola sér fyrir sér að nota Foden meira í framtíðinni og sér hann leikmanninn sem arftaka David Silva á miðjunni. Silva mun yfirgefa herbúðir City næsta sumar og þá losnar pláss í liðinu.

„Foden fékk ekki nýjan samning fyrir tilviljun, hann er sá eini í liðinu sem má alls ekki selja, sá eini," endurtók Guardiola í viðtali á dögunum

„Þegar David Silva fer þá vitum við alveg hver næsti galdramaður á miðjunni verður. Hann er uppalinn hjá okkur, hann er einn af okkur og hann verður frábær. Það má ekki selja hann þó að 500 milljóna tilboð komi í hann."