Ragnar Sigurðsson skoraði bæði mörk Íslands þegar liðið sigraði Tyrkland á Laugardalsvelli í kvöld. Mörk Ragnars komu í fyrri hálfleik og voru þau bæði skoruð með skalla.
Lestu um leikinn: Ísland 2 - 1 Tyrkland
„Ég fer alltaf á fjærstöngina og er bara frír þar, boltinn kemur mjög sjaldan þangað. Ég var bara mættur," sagði Ragnar um mörkin tvö eftir leikinn í kvöld.
„Það er mjög ljúft að vinna Tyrkina aftur. Þetta voru tveir skyldusigrar, við urðum að vinna til þess að halda okkur í baráttunni um að komast áfram. Þetta var mjög ljúft."
„Það skildi enginn hvað var í gangi með þessa Þjóðadeild, það skildi enginn reglurnar einu sinni. Svo erum við búnir að spila einhverja æfingaleiki og við erum aldrei góðir í þeim. Núna þegar það skiptir máli þá erum við að vinna leiki, eins og alltaf."
Ragnar segir að leikmenn Íslands hafi rætt „Burstamálið" á hótelinu fyrir leikinn enda var fátt annað sem komst að.
„Þetta var bara út um allt. Það var verið að senda okkur öllum hatursskilaboð en við erum allir mjög reyndir og við létum þetta ekki trufla okkur. Þegar leikurinn byrjaði þá vorum við bara tilbúnir."
Nánar er rætt við Ragnar í spilaranum hér að ofan.
Laumuðum okkur í reykmettað bakherbergi í Laugardalnum og gerðum upp stórfuðulegan aðdraganda að leiknum og glæsilega frammistöðu! @tomthordarson og @maggimar með mér #fotboltinet https://t.co/RdjiG4KURy
— Elvar Geir Magnússon (@elvargeir) June 11, 2019
Athugasemdir
