Sóknarmaðurinn Mehdi Taremi kemur til með að ganga í raðir Inter á Ítalíu þegar samningur hans hjá Porto rennur út í sumar.
Ítalski íþróttafréttamaðurinn Fabrizio Romano segir frá því að Inter sé búið að bóka læknisskoðun fyrir þennan öfluga sóknarmann.
Hann segir að munnlegt samkomulag sé í höfn á milli Inter og Taremi um samning sem gildir til ársins 2026, og er möguleiki á framlengingu um eitt ár.
Taremi er 31 árs gamall en hann hefur spilað með Porto frá 2020. Hann hefur skorað 86 mörk í 171 leik fyrir Porto.
Þá hefur hann gert 45 mörk í 81 leik fyrir Íran; mjög öflugur markaskorari þarna á ferðinni.
Athugasemdir