Fótbolti.net

Nýliðinn ósáttur þrátt fyrir stóra sviðið: „Við hefðum getað gert aðeins betur“

Alexandra: „Leyfðum þeim að krossa full auðveldlega"

Stigalausar og markalausar - „Auðvitað dreymir mann alltaf um eitthvað“

Fyrirliðinn sér bjarta framtíð: „Hún er á svipuðum aldri og ég þegar ég kom fyrst inn“

Fyrrum leikmaður ÍBV og landsliðsmarkvörður Englands um leikinn

Vilja Fanneyju og Guðrúnu með á eyðieyjuna

Glódís fyrir leikinn gegn Englandi: „Mætum með kassann úti“

Karólína Lea: Þurfum að passa vinkonu mína, hún er heit

Steini: Þurfum að gæta Russo vel inn í boxi

Diljá Ýr: Tek mínu hlutverki og reyni að gera það sem best

Sædís Rún: Auðvitað langar manni að spila á hærra leveli

María um fyrsta landsleikinn: Sérstaklega gaman að fá að spila á móti heimsmeisturunum

Cecilía Rán: Fannst við standa okkur ótrúlega vel

Óvænt í byrjunarliði Íslands - „Svo mikill heiður"

Steini Halldórs: Samkvæmt reglum á að stoppa leikinn

Jói Bjarna: Auðvitað finnst mér þetta erfitt og skrítið

Glódís Perla: Ef við viljum vera áfram í hæsta gæðaflokki þá verðum við að setja fjármagn í þetta

Guðrún: Komið alveg hálft ár síðan við hittumst síðast

Steini landsliðsþjálfari: Trú og hugrekki gegn heimsmeisturunum

Hlín Eiríks: Við leikmenn hefðum viljað hafa verkefni í síðasta glugga

fös 12. ágúst 2022 21:02

Guðmundur Aðalsteinn Ásgeirsson

Telma mætt aftur: Á stað sem ég bjóst ekki við að komast á

Telma á landsliðsæfingu fyrir nokkrum árum.

Mynd: Fótbolti.net - Hafliði Breiðfjörð

Úr bikarúrslitaleiknum með Stjörnunni árið 2018.

Mynd: Fótbolti.net - Hafliði Breiðfjörð

Telma Hjaltalín Þrastardóttir var hetja FH er liðið fór með sigur af hólmi gegn Augnabliki í Lengjudeildinni í kvöld. Hún kom inn á sem varamaður og gerði sigurmarkið.

Lestu um leikinn: FH 1 - 0 Augnablik

„Þetta hafðist sko, þetta var erfiður leikur frá byrjun. Við vissum það alveg. Þungu fargi létt að ná inn þessu marki og að ná í þrjú stig," sagði Telma eftir leik.

„Þetta er alltaf frábær tilfinning, þeir sem hafa skorað vita það. Það skiptir ekki máli hversu flott mörkin eru, mark er mark."

Það er hægt að fullyrða það að Telma hefur verið gríðarlega óheppin með meiðsli á sínum ferli. Hún hefur þrisvar slitið krossband á sama hné. Hún spilaði 13 leiki í deild og bikar sumarið 2018 og skoraði í þeim tíu mörk. Hún vann sig inn í A-landsliðið en undir lok tímabilsins sleit hún krossband í þriðja sinn.

Telma, sem er 27 ára, hafði ekki spilað keppnisleik frá 2018 fyrir þetta sumar. Hún skipti yfir í FH fyrir tímabilið og er markahæsti Íslendingurinn í Lengjudeildinni með sjö mörk.

„Þetta er frábært. Ég byrjaði í fyrra og þá vissi ég ekkert hvað væri að fara að gerast. Tók þetta skref fyrir skref. Ég er komin á stað sem ég bjóst ekki við að komast á. Að fá að spila aftur og ná vonandi að klára þetta tímabil, það eru algjör forréttindi."

„Þetta hefur gengið virkilega brösulega, upp og niður. Hnéð er búið að haldast fínt, en það er hitt og þetta sem kemur inn í. Ég er að vinna á sjúkraþjálfarastofu og er með 20 aðra sjúkraþjálfara til að hugsa um mig. Þetta hafðist."

Eru einhverjar áhyggjur af hnénu þegar stigið er inn á völlinn? „Það er eiginlega ekkert hægt að hugsa þannig. Ég er búin að taka ákvörðun að kýla á þetta og það kemur það sem kemur. Ef ég hugsa eða dvel á því, þá eru meiri líkur örugglega. Ég ætla að njóta á meðan ég get."

„Ég væri ekki að gera þetta eftir fjögur ár ef þetta væri ekki gaman. Þetta er alveg æðislegt," segir Telma.

Hægt er að sjá allt viðtalið hér að ofan.

Sjá einnig:
Telma reimar aftur á sig takkaskóna: Lítil skref á mínum hraða (2021)