Besta deild kvenna: Öruggt hjá Víkingum í Kaplakrika

Víkingur gerði sér góða ferð í Kaplakrika í kvöld þegar liðið lagði FH af velli.

Linda Líf Boama komst í gegn eftir tæplega tveggja mínútna leik og lék á Aldísi Guðlaugsdóttur í marki FH og renndi boltanum í netið og kom Víkingum yfir.

Shaina Ashouri bætti öðru markinu við gegn sínum gömlu félögum áður en flautað var til loka fyrri hálfleiks.

Shaina var aftur á ferðinni snemma í síðari hálfleik og skoraði af stuttu færi og innsiglaði sigur Víkings.