Arnar Pálmi Kristjánsson.
Samkvæmt spánni þá fara Þróttur Vogum og Ægir upp um deild.
Lokaumferð 2. deildar karla verður leikin í heild sinni á morgun. Það eru þrjú lið að berjast um að fara upp og svo þrjú lið að berjast við falldrauginn á hinum enda töflunnar.
Við fengum Arnar Pálma Kristjánsson, fyrirliða Völsungs, til að spá í leikina í lokaumferðinni. Hann flaug upp úr þessari deild með Húsvíkingum í fyrra.
Við fengum Arnar Pálma Kristjánsson, fyrirliða Völsungs, til að spá í leikina í lokaumferðinni. Hann flaug upp úr þessari deild með Húsvíkingum í fyrra.
Grótta 1 - 1 Þróttur Vogum (14:00 á morgun)
Risa leikur, gerast ekki mikið stærri. Þróttur drullunálægt því að fara upp í fyrra en fara upp núna, komast yfir í fyrri hálfleik og halda alveg þangað til í lokin þegar Grótta jafnar en það verður aðeins of seint fyrir Gróttumenn.
KFG 3 - 4 KFA (14:00 á morgun)
Liðin munu skiptast á að skora þangað til á svona 70. mínútu en þá kemur sigurmarkið frá KFA.
Dalvík/Reynir 2 - 1 Víkingur Ó. (14:00 á morgun)
Áki Sölva setur bæði mörkin fyrir Dalvík/Reyni og þeir komast 2-0 yfir. Víkingur herja síðan á þá og ná inn einu marki en að lokum klára Dalvík/Reynir leikinn.
Kári 3 - 1 Haukar (14:00 á morgun)
Ekkert undir hjá Haukum og Kári ná í sigurinn til þess að halda þeim í deildinni, sýna að það er ekkert grín að mæta í þessa höll.
Víðir 0 - 2 Ægir (14:00 á morgun)
Bæði lið þurfa helst sigur, verður mikið spilaður á vallarhelmingi Víðis en eftir frábæran varnarleik hjá Víði í svona 60 mínútur brotna þeir og Ægismenn klára leikinn endanlega á 78. mínútu og tryggja sér í Lengjudeildina.
Höttur/Huginn 2 - 1 Kormákur/Hvöt (15:00 á morgun)
Því miður fyrir vin minn Ívar Arnbro eru hans gömlu félagar nú þegar fallnir, en ég ætla að spá þeim sigri í lokaleiknum. Sé alveg remontada í kortunum.
Hér fyrir neðan má sjá stigatöfluna fyrir lokaumferðina.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
