Varnarleikur liðsins í föstum leikatriðum á þessu tímabili hefur verið algjörlega skelfilegur.

Í leik kvöldsins gegn erkifjendunum í Liverpool er Man Utd búið að fá á sig tvö mörk eftir föst leikatriði. Fyrsta markið sem má sjá hérna og annað markið sem má sjá hérna.

„Það eru lið í Lengjudeildinni sem eru betri en Manchester United í að verjast föstum leikatriðum," skrifar fjölmiðlamaðurinn Tryggvi Páll Tryggvason á Twitter en hann er mikill stuðningsmaður Man Utd. Hann er ekki einn um að pirra sig á varnarleiknum í föstum leikatriðum, fjölmargir aðrir gera það sama á samfélagsmiðlum í kvöld.

Staðan er 1-3 fyrir Liverpool. Firmino gerði þriðja markið, hann er kominn með tvennu.