„Mér fannst þetta ganga vel þar til við fengum fréttirnar um að leikmaðurinn sem stjórinn vildi væri ekki að koma. Ef maður les á milli línanna var hann búinn að segja þeim að hann væri klár í slaginn. Liverpool borgar riftunarákvæði og ég held að félagið setji þá pressu á hann að vera áfram," segir Carragher.

Hann og Gary Neville voru að fara yfir málin í hlaðvarpsþættinum Stick to Football.

„Hann sagði já og hefur síðan skipt um skoðun," segir Neville sammála.

Carragher heldur áfram: „Þetta var ekki eins auðvelt og það hljómaði fyrir Liverpool. Í hreinskilni þá lítur þetta ekki vel út fyrir Liverpool."

Sagt er að forráðamenn Liverpool séu pirraðir út í ákvörðun Zubimendi eftir að spænski leikmaðurinn hafi sagst tilbúinn að koma til þeirra. Liverpool vill fá inn varnarengilið áður en glugganum verður lokað.