Út var að koma bókin Fótboltaspurningar 2025, eftir Guðjón Inga Eiríksson, sem hefur sent frá sér margar bækur af sama meiði á undanförnum árum og hafa þær notið mikilla vinsælda. Hér eru nokkrar spurningar úr nýju bókinni, sem lesendur fotbolta.net geta spreytt sig á, en auðvitað látum við svörin ekki fylgja með – þau eru í bókinni sem allir knattspyrnuáhugamenn verða að sjálfsögðu að eignast:
Hvaða markmann keypti Brentford frá sænska liðinu Elfsborg í janúar 2024?
Í merki hvaða íslenska liðs er að finna bókstafinn N og engan annan staf?
Hvaða íslenski knattspyrnumaður á þennan knattspyrnuferil: Breiðablik – BATE Borisov – Go Ahead Eagles – Birmingham?
Hvaða félag á Englandi vann sig upp í Úervalsdeildina 2025 eftir að hafa fallið þaðan 2017?
Hver var númer 7 í íslenska kvennalandsliðinu á Evrópumótinu 2025?
Hvaða þjóð, sem sóttist eftir því að verða hluti af Knattspyrnusambandi Norður- og Mið-Ameríku, var hafnað um það árið 2025, án þess að nokkur rökstuðningur fylgdi þeirri neitun?
Þetta er bara brotabrot af þeim spurningum sem finna má í bókinni, Fótboltaspurningar 2025, en hverjum var annars hafnað, eins og spurt er um í síðustu spurningunni? Jú, látum svarið fylgja hér með: Grænlendingum.
