Angel City 2 - 0 Houston Dash
1-0 Kennedy Fuller ('53)
2-0 Maiara Niehues ('86)
1-0 Kennedy Fuller ('53)
2-0 Maiara Niehues ('86)
Sveindís Jane Jónsdóttir var í byrjunarliði Angel City og lék fyrstu klukkustundina í sigri gegn Houston Dash í bandaríska boltanum í gærkvöldi.
Staðan var markalaus í leikhlé og skoraði hin átján ára gamla Kennedy Fuller fyrsta mark leiksins á 53. mínútu.
Heimakonur í liði Englaborgar voru sterkari allan leikinn og tókst að bæta öðru marki við á lokamínútunum, þegar hin brasilíska Maiara Niehues kom inn af bekknum og skoraði til að innsigla sigurinn.
Þetta er langþráður sigur hjá Sveindísi og stöllum eftir fimm leiki í röð án sigurs.
Þetta var ellefti deildarleikur Sveindísar í Bandaríkjunum og hefur hún skorað eitt mark og gefið eina stoðsendingu hingað til.
Það eru aðeins tvær umferðir eftir af deildartímabilinu og þurfa Sveindís og stöllur á kraftaverki að halda til að eiga möguleika á að komast í úrslitakeppnina.
Athugasemdir
