Thomas Tuchel, þjálfari enska landsliðsins, hefur tröllatrú á sóknarmanninum Marcus Rashford og segir Tuchel hann geta orðið einn besta framherja heims.
Þýski þjálfarinn telur þó að Rashford geti gert enn meira en hann hefur sýnt undanfarið og segir að hann vilji ekki horfa með eftirsjá á ferilinn eftir tíu ár.
„Hann getur orðið einn af þeim bestu í heimi því slúttin og gæðin sem ég sé á æfingum, afgreiðslurnar með báðum fótum, sprengikraftinn, og svo er hann sterkur í loftinu. Þannig að honum eru engin takmörk sett,“ sagði Tuchel í samtali við Sky Sport.
Tuchel segir þá að hæfileikarnir endurspegla ekki tölfræði Rashford og segir að hann þurfi að leggja sig enn meira fram við að koma að mörkum.
„Hann er enn nógu ungur til að taka þessar ákvarðanir, því annars gæti hann orðið fyrir vonbrigðum eftir 10 ár með það sem hann hefði getað orðið og það sem hann hefði getað gert.“
Rashford kom inn á í hálfleik í 3-0 sigri Englands á grönnum sínum í Wales í vináttuleik á fimmtudaginn. En enska liðið mætir Lettlandi í undankeppni HM í kvöld.
