Valgeir Lunddal Friðriksson og Davíð Kristján Ólafsson mættust á vængnum í efstu deild sænska boltans í dag.
Valgeir Lunddal byrjaði í hægri bakverði hjá Häcken sem tók á móti Kalmar sem mætti með Davíð Kristján í vinstri bakverði.
Báðir spiluðu þeir 90 mínútur og höfðu Valgeir og félagar að lokum betur með 3-1 sigri þökk sé Alexander Jeremejeff sem skoraði tvö.
Häcken er í þriðja sæti eftir sigurinn, með 17 stig úr 8 leikjum. Kalmar er um miðja deild með 12 stig.
Stærsti leikur dagsins var þegar Hammarby tók á móti AIK í toppslag og úr varð geggjaður sex marka leikur.
Jón Guðni Fjóluson er samningsbundinn Hammarby en var ekki með í dag vegna meiðsla.
AIK er á toppi sænsku deildarinnar en er aðeins með tveggja stiga forystu á Hammarby sem á leik til góða, alveg eins og Häcken.
Þá kom Ari Freyr Skúlason seint inn af bekknum í stórsigri Norrköping gegn Sundsvall á meðan Adam Benediktsson horfði á liðsfélaga sína í Gautaborg gera jafntefli við Varbergs. Oskar Tor Sverrisson var ekki í hóp hjá Varbergs.
Þetta var fjórði sigur Norrköping í röð og er liðið komið með 13 stig.
Að lokum vann Vasalunds góðan sigur á útivelli gegn Haninge í C-deild í Svíþjóð.
Alexander Helgi Sigurðarson var ekki í hóp.
Häcken 3 - 1 Kalmar
0-1 K. Lund ('2, sjálfsmark)
1-1 Rygaard Jensen ('38)
2-1 A. Jeremejeff ('59)
3-1 A. Jeremejeff ('83, víti)
Norrköping 5 - 1 Sundsvall
Hammarby 3 - 3 AIK
Gautaborg 1 - 1 Varbergs
Haninge 1 - 4 Vasalunds
