Árni Snær Ólafsson, markvörður ÍA, var svekktur eftir tap gegn KR á heimavelli í Pepsi Max-deildinni í dag.
Lestu um leikinn: ÍA 1 - 3 KR
ÍA hefði farið á toppinn með sigri, en í staðinn fara KR-ingar á topp deildarinnar.
„Ég er vægast sagt svekktur, mjög svekktur. Við komum sterkir inn fyrstu 10-15 mínúturnar þangað til þeir fá vítið. Þá dettum við kannski inn á þeirra leikplan og þeir ná tökum á leiknum. Mér fannst við koma þokkalega sterkir út í seinni hálfleikinn, ég hefði viljað skora fyrr á þá. Þegar þeir komast í 3-0 þá klára þeir leikinn."
Um vítaspyrnudóminn í upphafi leiks sagði Árni:
„Hann fór í hann, ég held að þetta hafi verið víti. Dómarinn gerir sitt besta."
Arnar Már Guðjónsson og Stefán Teitur Þórðarson voru ekki með ÍA í dag.
„Við byrjuðum 11 og þetta eru 11 gæjar gegn 11 gæjum. Það skiptir ekki máli hverjir það eru, við eigum að vera það sterkir."
Viðtalið er hér að ofan.
Athugasemdir