„Þetta var miklu betra, mér fannst við vinna sem lið, vorum þolinmóðir, það var auðvitað bara 1-0 í hálfleik en síðan komum við bara og kláruðum leikinn, gott að skora nokkur mörk og fannst við bara hafa gaman að því að spila sem lið," sagði Jónatan Ingi Jónsson, leikmaður FH eftir 5-0 sigur gegn Leikni í dag.
Lestu um leikinn: FH 5 - 0 Leiknir R.
FH-ingar fengu umdeilt víti í fyrri hálfleik en það var einmitt brotið á Jónatani.
„Sko ég er ekki búinn að sjá þetta aftur en ég upplifi þetta þannig að ég sé hann (Gyrðir Hrafn) er að koma og er að renna sér, ég ætla að þykjast skjóta og taka boltann til baka en hann rennir sér niður og kippir bara löppunum mínum með og ég þurfti ekkert að henda mér niður."
Jónatan Ingi var maður leiksins þar sem hann lagði upp þrjú af fimm mörkum FH-inga, svipað og Paul Pogba gerði gegn Leeds í gær þegar hann lagði upp fjögur.
„Já ég er United maður, Pogba og Bruno voru flottir í gær en nei nei auðvitað stundum dettur þetta bara þannig. stundum klára þeir færin úr sendingunum mínum og stundum ekki. Í dag þá duttu þrjú inn og það er gaman en auðvitað bara skemmtilegast að vinna loksins leik."
Hvernig metur Jónatan frammistöðu sína á þessu tímabili?
„Ég væri samt ennþá til í að skora meira sjálfur, ég hef komist í mikið af færum en ég er líka að búa mikið til fyrir aðra en tölurnar tala sínu máli ég er klárlega með fleiri mörk og stoðsendingar í ár heldur en síðustu ár en ég vill samt skora meira."
Viðtalið má sjá í heild sinni hér fyrir ofan en þar talar Jónatan einnig um þennan unga leikmannahóp sem FH er með.
Athugasemdir
