Hólmar Örn á landsliðsæfingu.
Hólmar Örn Eyjólfsson, varnarmaður íslenska landsliðsins, ræddi við Fótbolta.net um helgina, í aðdraganda leiksins gegn Sviss í Þjóðadeildinni.
Leikurinn er í kvöld og fer fram er á Laugardalsvelli en þegar liðin mættust í St. Gallen í Sviss í síðasta mánuði þá vann Sviss 6-0 sigur. Íslendingar ætla að hefna fyrir þetta stóra tap.
Leikurinn er í kvöld og fer fram er á Laugardalsvelli en þegar liðin mættust í St. Gallen í Sviss í síðasta mánuði þá vann Sviss 6-0 sigur. Íslendingar ætla að hefna fyrir þetta stóra tap.
„Við eigum harma að hefna, við þurfum að sýna að þetta hafi verið slys sem gerðist síðast. Þeir eru helvíti góðir en við erum það líka. Við förum inn í þennan leik fullir sjálfstrausts, sérstaklega eftir seinasta leik (gegn Frakklandi)," sagði Hólmar.
„Ég held að það þurfi ekki að mótívera menn sérstaklega til að sýna og sanna að síðasti leikur hafi verið frávik."
Hólmar Örn spilaði sem hægri bakvörður í vináttulandsleiknum gegn Frakklandi síðasta fimmtudag. Hann er hugsaður sem kostur í þá stöðu hjá íslenska landsliðinu.
„Ég spila ekki mikið þarna hjá mínu félagsliði og hef ekki gert seinustu sex árin. Þetta er töluvert öðruvísi staða. Birkir er númer eitt. Ég spila þar sem ég er settur."
Það gengur vel hjá Hólmari út í Búlgaríu þar sem hann leikur með Levski Sofia. Levski er á toppi búlgörsku úrvalsdeildarinnar og hefur Hólmar skorað eitt mark í níu leikjum. Varnarleikurinn er einn helsti styrkleiki liðsins.
„Við erum á toppnum og reynum að halda okkur þar, við eigum leik gegn Ludogorets um næstu helgi. Þeir eru hrikalega sterkir. Ef við getum unnið þann leik er það gott fyrir restina af tímabilinu."
Viðtalið er í heild sinni hér að ofan.
Athugasemdir
