Kórdrengir og Fylkir gerðu 1-1 jafntefli í stórleik 2. umferðar Lengjudeildarinnar á föstudagskvöld. Spánverjinn Iosu Villar var frábær á miðju heimamanna og var valinn maður leiksins.
Villar átti frábæra stoðsendingu í marki Kórdrengja og var svo nálægt því að skora sigurmarkið seint í leiknum en Ólafur Kristófer Helgason, markvörður Fylkis, varði glæsilega frá honum. Ólafur er einmitt í liði umferðarinnar líkt og Villar.
Villar átti frábæra stoðsendingu í marki Kórdrengja og var svo nálægt því að skora sigurmarkið seint í leiknum en Ólafur Kristófer Helgason, markvörður Fylkis, varði glæsilega frá honum. Ólafur er einmitt í liði umferðarinnar líkt og Villar.
Vestri svaraði tapinu í fyrstu umferð með því að sækja öll stigin í Mosfellsbæ og vann 2-0 útisigur gegn Aftureldingu. Föst leikatriði frá Deniz Yaldir reyndust gulls ígildi og Aurelien Norest var traustur ásamt því að skora í leiknum.
Andri Freyr Jónasson skoraði tvö mörk fyrir Fjölni sem vann 4-1 stórsigur gegn Þór. Dofri Snorrason átti ákaflega öflugan leik á miðju Fjölnis og er einnig í úrvalsliðinu.
HK vann 3-1 útisigur gegn KV á Auto Park. Brassinn Bruno Soares stjórnaði vörn HK vel og var öruggur á boltann. Hassan Jalloh ógnaði mikið með hraða sínum, skoraði og olli usla í vörn KV.
Grindavík vann 3-0 sigur gegn Þrótti Vogum þar sem Dagur Ingi Hammer Gunnarsson skoraði tvívegis og var valinn maður leiksins.
Selfoss hefur unnið báða leiki sína í Lengjudeildinni en liðið lagði Gróttu 2-1. Adam Örn Sveinbjörnsson átti öflugan leik í miðverði Selfyssinga og Jón Vignir Pétursson var frábær á miðjunni. Þá er Dean Martin þjálfari umferðarinnar.
Fyrri úrvalslið Lengjudeildarinnar:
Lið 1. umferðar
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir