Andri lengst til hægri.
„Mér líður ógeðslega vel að hafa komið til baka undir lokin og að liðið mitt hafi enn og aftur sýnt klærnar og klórað sig til baka eftir að hafa lent undir. Þetta stig gæti skipt máli þegar upp er staðið, stig er stig en það er ekkert launungarmál að við komum til að vinna. Það verður að bíða betri tíma," sagði Andri Hjörvar Albertsson, þjálfari
Lestu um leikinn: Stjarnan 1 - 1 Þór/KA
„Staðan á hópnum er fín en ég er ekkert að ljúga neinu að hópurinn gæti veirð stærri. Við ákváðum að skipta tveimur leikmönnum í Tindastól um daginn. Við erum í hugleiðingum um að fá inn leikmenn, markaðurinn er skrítinn í dag en við erum með augun opin."
Andri var spurður út í tilfærslu sína undir lokin þegar hann ákveður að færa Örnu Sif Ásgrímsdóttur úr varnarlínunni fram í framlínuna. Andri segir að Arna sé leikmaður sem geti leyst allar stöður og í dag hafi heppnast að færa hana fram á völlinn.
Arna Sif var hættuleg inn á vítateig Stjörnunnar í dag eftir hornspyrnur og átti nokkur ákjósanleg skallafæri. Er Andri svekktur með að einn af þessum sköllum hafi ekki ratað í netið?
„Já að sjálfsögðu, við leggjum mikið upp úr föstum leikatriðum. Þar er Arna Sif manna sterkust í teignum. Ég get alveg sagt þér það að hún er örugglega hrikalega svekkt að hafa ekki náð að skora. Það þýðir samt ekkert að missa einhvern svefn yfir þessu," sagði Andri að lokum.
Viðtalið í heild sinni má sjá hér að ofan.
