„Mjög ánægður, þetta var barningsleikur," sagði Kristján Sigurólason, aðstoðarþjálfari Þórs, eftir heimasigur gegn Ólafsvíkingum. Myndatökumaður hefur átt betri daga á vélinni en hljóðið ætti að vera í toppmálum.

Lestu um leikinn: Þór 1 -  0 Víkingur Ó.

Það var öflug sunnanátt á Þórsvellinum og Ólafsvíkingar byrjuðu með vindi í fyrri hálfleik. Var Moli sáttur með að staðan var markalaus í leikhléi?

„Já, þetta snerist svolítið um að þrauka fyrri hálfleikinn - það var handritið og herja svo á þá í seinni."

Ólsarar voru ósáttir með að mark Þórsara hafi fengið að standa. Boltinn var klárlega á hreyfingu þegar Ólafur Aron Pétursson lét vaða úr aukaspyrnu rétt inn á vallarhelming gestanna.

„Ég sá það ekki nógu vel, þeir vildu meina að boltinn var á ferð. Aftur komum við að því að það eru 40 vindstig úti og erfitt að boltinn sé alveg grafkyrr."

„Við ætluðum að skjóta og skjóta og skjóta í seinni og það gekk. Mér fannst bæta í vindinn síðustu 20 mínúturnar. Það var allt farið að fjúka."

Moli var næst spurður út meiðslastöðu fjögurra leikmanna en þeir Emanuel Nikpalj, Orri Sigurjónsson, Sigurður Marínó Kristjánsson og Jakob Franz Pálsson léku ekki með Þór í dag. Að lokum var Moli spurður út framhaldið og svör hans má heyra í spilaranum hér efst í fréttinni.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit