Óli Kalli og Bjössi Hreiðars.
„Það er skemmtileg staðreynd að við vorum saman í Ísaksskóla, ég sem kennari og hann sem nemandi," segir Sigurbjörn Hreiðarsson um nýjasta liðsmann Íslandsmeistara Vals, Ólaf Karl Finsen.
Sigurbjörn er aðstoðarþjálfari Vals og er að vonum ánægður með liðsstyrkinn úr Garðabæ.
„Óli hristir aðeins upp í hlutunum, það er frábært fyrir hópinn. Hann kemur inn í öflugan hóp með ákveðna eiginleika sem við vorum að líta til. Við teljum að hann nýtist í ýmsar stöður."
Valur hefur áður reynt að fá Ólaf.
„Það gekk ekki eftir þá en nú gekk það. Við erum mjög ánægðir með að þetta sé gengið í gegn."
Valsmenn eru ekki hættir á leikmannarkaðnum og var sagt á fréttamannafundinum í dag að fleiri tilkynninga væri að vænta frá Hliðarenda.
„Það er klárt að við erum ekki hættir á markaðnum og það verður eitthvað á næstunni. Er það ekki bara eðlilegt? Við erum að leita eftir góðum leikmönnum."
Sjáðu viðtalið í heild sinni í sjónvarpinu hér að ofan en þar er Sigurbjörn meðal annars spurður út í framtíð Rasmus Christiansen.
Óli Kalli: Hann vakti mig og sagði að ég væri snarklikkaður
Athugasemdir
