Dean Martin, þjálfari Selfoss, var skiljanlega sáttur eftir risasigur gegn Haukum í Inkasso-deildinni. Lokatölur á Selfossi voru 5-0 en þetta var fyrsti sigur liðsins undir stjórn Dean.

Lestu um leikinn: Selfoss 5 -  0 Haukar

„Ég er mjög sáttur, að halda hreinu líka. Liðið spilaði vel saman og þetta var mjög skemmtilegt," sagði Dean Martin í viðtali við Fótbolta.net eftir leikinn.

„Við erum búnir að vinna í varnarleiknum frá því í síðasta leik gegn Ólafsvík, að vinna frá fremsta manni alla leið niður í vörn. Það skilaði sér í dag."

Hrvoje Tokic var í stuði í dag og skoraði þrennu.

„Vonandi verður hann í stuði í næstu fimm leikjum."

Selfyssingar komust upp úr fallsæti með þessum sigri en Dean ætlar ekki að fagna of mikið.

Viðtalið er í heild sinni hér að ofan.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit