Elías Rafn Ólafsson.
Eftir að hafa byrjað tímabilið á bekknum þá hefur Elías Rafn Ólafsson verið í marki Midtjylland í síðustu leikjum.
Hann er enn og aftur í harðri baráttu við hinn reynslumikla Jonas Lössl um sæti í liðinu. Lössl byrjaði tímabilið en Elías hefur varið mikið síðustu leiki.
Hann er enn og aftur í harðri baráttu við hinn reynslumikla Jonas Lössl um sæti í liðinu. Lössl byrjaði tímabilið en Elías hefur varið mikið síðustu leiki.
Elías sýndi það hversu öflugur hann er í síðasta leik þegar Midtjylland vann 0-2 sigur á Vejle á útivelli.
Hann var frábær í leiknum og komst í lið umferðarinnar hjá Tipsbladet.
„Ef ekki hefði verið fyrir íslenska markvörðinn þá hefði Midtjylland líklega ekki náð í stigin þrjú. Ólafsson varði nokkrum sinnum frábærlega og bjargaði leiknum," segir í umsögn Tipsbladet.
Það er mikilvægt fyrir Elías að spila þar sem hann er í harðri baráttu við Hákon Rafn Valdimarsson um að vera í byrjunarliði íslenska landsliðsins. Það styttist nefnilega í næsta landsliðsverkefni.
Athugasemdir
