Spánn: Villarreal og Getafe höfðu betur

Fyrri hálfleikur var jafn og markalaus og skoraði Kike fyrir gestina í upphafi síðari hálfleiks.

Þá skiptu heimamenn um gír og sneru stöðunni við þökk sé mörkum frá Gerard Moreno og Paco Alcacer.

Moreno var þriðji markahæsti leikmaður spænsku deildarinnar í fyrra með 18 mörk og 5 stoðsendingar.

Jaime Mata gerði þá eina mark leiksins er Getafe lagði Osasuna að velli. Mata var markahæsti leikmaður Getafe í deildinni í fyrra með 11 mörk.

Villarreal 2 - 1 Eibar
0-1 Kike ('50)
1-1 Gerard Moreno ('63)
2-1 Paco Alcacer ('71)

Getafe 1 - 0 Osasuna
1-0 Jaime Mata ('54)