Heimild: Vísir
Gylfi Þór Sigurðsson verður áfram laus gegn tryggingu en í farbanni frá Englandi þar til 17. apríl. Þetta er í fjórða sinn sem framlenging er gerð á þessu fyrirkomulagi síðan hann var handtekinn í júlí í fyrra vegna gruns um kynferðisbrot gegn ólögráða einstaklingi.
Gylfi er undir rannsókn lögreglunnar í Manchester sem staðfesti við Vísi að farbann hefði verið framlengt.
Gylfi er undir rannsókn lögreglunnar í Manchester sem staðfesti við Vísi að farbann hefði verið framlengt.
Talið var að fréttir af málinu myndu berast í gær eða í dag en nú er útlit fyrir að það verði um þriggja mánaða bið eftir því að gefið verði út hvort Gylfi verði ákærður eða málið látið niður falla.
Gylfi hefur ekkert spilað með Everton á þessari leiktíð og lék síðast fyrir íslenska landsliðið í nóvember 2020. Hann hefur ekkert tjáð sig opinberlega síðan hann var handtekinn.
Samningur Gylfa við Everton rennur út í sumar og virðist hann hafa leikið sinn síðasta leik fyrir félagið.
Athugasemdir