Rudiger kveður Chelsea: Verður alltaf í hjarta mínu

Mynd: Getty Images

Varnarmaðurinn Antonio Rudiger yfirgefur Chelsea í sumar og gengur í raðir Real Madrid. Hann hefur sent stuðningsmönnum Chelsea skilaboð í aðdraganda lokaleiks síns fyrir félagið, sem er gegn Watford á sunnudag.

„Ég er ekki hrifinn af kveðjustundum. En ég mun reyna að gera þessa sérstaka, beint frá hjartanu," segir Rudiger.

„Ég varð að taka ákvörðun en ég hef ekkert slæmt að segja um þetta félag. Chelsea mun alltaf vera í hjarta mínu."

Rudiger segir að stopp í viðræðum við Chelsea síðasta haust spili stóran þátt í því að hann hafi ekki framlengt við félagið.

„Samningaviðræðurnar urðu erfiðar síðasta haust. Þegar þú heyrir engin tíðindi frá ágúst til janúar þá verður staðan flókin. Eftir fyrsta tilboð kom langt gat af engu," segir Rudiger.

Thomas Tuchel, stjóri Chelsea, segir að Rudiger muni skilja eftir sig skarð utan sem innan vallar.

„Antonio hefur spilað stórt hlutverk í síðustu tímabilum. Hann gefur öllum sjálfstraust og er einstakur karakter. Hann getur spilað ákaflega vel og menn sem spila nálægt honum fyllast sjálfstrausti. Hann elskar ábyrgð," sagði Tuchel í síðasta mánuði.

Chelsea hefur tryggt sér þriðja sæti fyrir lokaumferðina og verður með í Meistaradeildinni á næsta tímabili.

Stöðutafla

#	Lið	L	mun	Stig
1	Arsenal	0	0	0
2	Aston Villa	0	0	0
3	Bournemouth	0	0	0
4	Brentford	0	0	0
5	Brighton	0	0	0
6	Chelsea	0	0	0
7	Coventry	0	0	0
8	Crystal Palace	0	0	0
9	Everton	0	0	0
10	Fulham	0	0	0
11	Hull City	0	0	0
12	Ipswich Town	0	0	0
13	Leeds	0	0	0
14	Liverpool	0	0	0
15	Manchester City	0	0	0
16	Manchester Utd	0	0	0
17	Newcastle	0	0	0
18	Nott. Forest	0	0	0
18	West Ham	38	-19	39
19	Burnley	38	-37	22
19	Sunderland	0	0	0
20	Wolves	38	-41	20
20	Tottenham	0	0	0