Aron Snær Friðriksson.
„Mér líst mjög vel á þetta," segir markvörðurinn Aron Snær Friðriksson sem er búinn að skipta úr Fylki yfir í KR.
Aron er 24 ára gamall og á að baki 67 leiki í efstu deild og alls 111 leiki í deildarkeppni og bikar. Hann lék á sínum tíma sex landsleiki með U21 árs landsliðinu og einn með U19.
Aron lék átján leiki í marki Fylkis sem féll úr Pepsi Max-deildinni á tímabilinu sem var að klárast fyrir stuttu.
„Þetta er risafélag á Íslandi og maður er spenntur fyrir þessu. Ég heyrði í þeim eftir tímabilið. Maður setti athyglina á Fylki og vildi hjálpa þeim að halda sér uppi. Það mistókst því miður. Þegar þetta kom upp, þá var það mjög spennandi."
Aron segir að það hafi verið mjög svekkjandi að falla með Fylki og býst hann við því að sínir gömlu félagar fari beint aftur upp.
Hjá KR fer hann í samkeppni við Beiti Ólafsson. „Það er spennandi. Hann er búinn að vera einn besti markvörður á Íslandi í langan tíma. Maður virði Beiti og hann er virkilega flottur markvörður, en ég ætla að reyna og maður sér hvernig það fer."
Beitir Ólafsson.
