Gylfi Þór Sigurðsson var einn allra besti maður vallarins þegar Everton niðurlægði Manchester United í ensku úrvalsdeildinni í dag.
Leiknum lauk með 4-0 sigri Everton en Gylfi Þór skoraði og lagði upp í leiknum.
Leiknum lauk með 4-0 sigri Everton en Gylfi Þór skoraði og lagði upp í leiknum.
„Fyrsta markið breytti öllu í leiknum. Við spiluðum varnarleikinn vel eftir það og svo þegar við náðum inn öðru markinu þá jókst trúin og við stjórnuðum leiknum eftir það," sagði Gylfi í samtali við Sky Sports eftir leikinn.
Mark Gylfa kom á 28. mínútu en það var þrumufleygur fyrir utan teig. David De Gea átti lítinn sem engan möguleika á því að verja.
„Ég var lengra frá markinu en ég hélt. Ég smellhitti boltann en grasið var blautt svo að það gerði De Gea erfitt fyrir," sagði Gylfi að lokum.
