Ståle Solbakken, landsliðsþjálfari Noregs, lét sænsku ofurstjörnuna Zlatan Ibrahimovic heyra það er hann ræddi við fréttamenn í dag.
Zlatan er mættur aftur í sænska landsliðið þrátt fyrir að vera 41 árs gamall. Hann sat sjálfur fyrir svörum á blaðamannafundi í gær en þar var hann spurður út í ferð sína til Katar. Zlatan var staddur í landinu á meðan HM var og þar hrósaði hann landinu í hástert, sagði allt vera upp á tíu.
„Katar er með kerfi sem virkar. Eru eiturlyf þar? Nei. Eru glæpir þar? Nei. Eru glæpir í Svíþjóð? Já. Eru eiturlyf? Já. Kerfið virkar í Katar," sagði Zlatan og bætti við að þetta væri örugglega ekki svarið sem fréttamenn vildu heyra.
Það var mikið gagnrýnt að HM væri haldið í Katar út af miklum mannréttindabrotum þar í landi. Smkynhneigð er þá bönnuð í Katar og tóku stjórnvöld þar í landi ekki vel í sérstök fyrirliðabönd sem ákveðin lið ætluðu að nota á mótinu. Því ákvað FIFA að banna þau.
Norðmenn voru mjög harðir í sinni gagnrýni fyrir mótið en Solbakken er svo sannarlega ekki sammála Zlatan.
„Samfélaginu er stjórnað á mjög slæman hátt og Zlatan fór langt yfir strikið. Ég held að allir viti hvar ég stend í þessari umræðu. Katar hefði aldrei átt að fá að halda HM. Katar er ekki góð gestgjafaþjóð miðað hvar yfirvöld þar standa í málum er varðar samkynhneigð og mannréttindi," sagði Solbakken.
Jättehyllningen till Qatar-VM.
— SVT Sport (@SVTSport) March 21, 2023
Zlatan Ibrahimovic besökte VM i Qatar och när han på en presskonferens med landslaget fick frågan om vad han tyckte om landet och mästerskapet hyllade han allt. pic.twitter.com/b7mm8cNIMZ
Athugasemdir