Silva er uppalinn hjá Sousense, sem spilar í utandeildinni í Portúgal, áður en hann færði sig yfir til Pacos Ferreira, sem spilaði þá í úrvalsdeildinni.

Hann fékk aldrei tækifærið með aðalliði Pacos Ferreira og fór því aftur til Sousense aðeins ári síðar.

Tímabilið 2018-2019 spilaði hann í utandeildinni með Sousense en færði sig hratt upp um deildir. Fyrir tveimur árum gekk hann í raðir Vitoria Guimaraes þar sem hann hefur spilað frábærlega og var hann á dögunum valinn í A-landslið Portúgals.

Jota Silva kom inn af bekknum þegar hálftími var eftir af leiknum í sínum fyrsta A-landsleik. Ekki nóg með það þá spilaði hann í Guimaraes og var því vel fagnað af stuðningsmönnum heimamanna.