Brynjar Björn Gunnarsson, þjálfari HK var að vonum mjög sáttur með 2-0 sigur á heimavelli gegn sterku FH liði í 13. umferð Pepsi Max-deild karla. HK hafa nú unnið 3 síðustu leiki sína í deildinni og eru jafnir Íslandsmeisturum Vals að stigum.

Lestu um leikinn: HK 2 -  0 FH

"Þetta var erfiður leikur, þeir eru með góða leikmenn og þú veist svosem ekkert hvað getur komið upp. Við stóðum vörnina vel og þeir komust ekki í gegn og það var svona það sem skóp sigurinn."

FH náði lítið að ógna marki HK-inga í leiknum þrátt fyrir að vera mikið með boltann.

"Mjög sáttur við skipulagið, við vitum það alveg ef við stöndum í lappirnar og föllum ekki of djúpt, þá er mjög erfitt að komast í gegnum okkur"

Sigurinn í kvöld þýðir að HK hafa unnið 3 síðustu leiki sína í deildinni gegn sterkum liðum eins og Breiðablik, FH og KA. 

"Það er frábært að vinna þrjá í röð, við erum að spila við virkilega góð lið og það gefur okkur aukið sjáfstraust með því að sigra þessa leiki"

Sumarglugginn lokar eftir rúma viku en Brynjar sér ekki fram á að liðið geri fleiri breytingar fyrir lok gluggans.

Viðtalið má sjá í heild sinni hér fyrir ofan

Tweet

Senda a Facebook Hafdu samband Senda frétt Prenta frétt Frétta leit