Fótbolti.net

Ali líður vel í Víkinni: Vona að ég get gefið til baka

Heimir fann lausn: Ekki gefa boltann á slæmum stöðum

Sölvi um mörkin: Þetta var góð pressa

Fékk svarið sem hann vildi fá - „Menn setjist á bekkinn og hugsi sinn gang"

Upplifði ógnvekjandi tíma í vetur - „Mjög þakklátur miðað við hvar maður var"

Æsingur eftir leik - „Illa að okkur vegið að saka okkur um að tefja"

Grímsi ósáttur að hafa verið bekkjaður - „Fáránlegt"

Ívar Ingimars: Frábært að fá þessa reynslu og máta sig við topplið í Bestu

Systurnar skoruðu báðar: Hún lætur mann stundum heyra það

Óskar Hrafn: Þegar tveir strengir slitna tekur tíma að ná aftur takti við hljómsveitina

Rúnar vildi fá víti: Dómarinn á að sjá þetta betur en ég

Jökull: Enginn fór og henti kuðung í sturtubotninn

Þorri Mar þakklátur Stjörnunni - „Sýnir að það sé ekkert okkar á milli"

Láki: Það var reiðarslag fyrir okkur

Valor fékk að velja undir lok gluggans: Gott að sjá vini mína aftur

Jón Þór: Töpum á öllum sviðum leiksins og ég á enga útskýringu á því

Sá yngsti í sögunni: Fór beint heim, hringdi í alla og lét þau vita

Birkir mjög sáttur á Hlíðarenda: Eignuðumst barn og konan vildi koma suður

Túfa: Sást í augunum á mönnum að þeir vildu svara fyrir sig

Lúkas Logi: Þetta er ekkert flókið

fim 22. ágúst 2024 20:59

Stefán Marteinn Ólafsson

Gunnar Heiðar: Búinn að bíða svolítið eftir þessum

Gunnar Heiðar Þorvaldsson þjálfari Njarðvíkur

Mynd: Fótbolti.net - Hafliði Breiðfjörð

Njarðvíkingar tóku á móti Gróttu í kvöld á Rafholtsvellinum þegar 19.umferð Lengjudeildarinnar hóf göngu sína.

Njarðvíkingar höfðu ekki unnið leik í deildinni í rúman mánuð fyrir leikinn í kvöld og unnu dýrmætan sigu í baráttunni um að halda sér í umspilssæti.

Lestu um leikinn: Njarðvík 1 - 0 Grótta

„Maður er búin að bíða svolítið eftir þessum og að við höfum fengið hann hérna í dag á móti Gróttu var mjög kærkomið." Sagði Gunnar Heiðar Þorvaldsson þjálfari Njarðvíkur eftir leikinn í dag.

Njarðvíkingar höfðu betur með einu marki gegn engu en fengu færin til þess að bæta í.

„Ég er búin að segja það í síðustu viðtölum alveg sama hversu vel við höfum spilað að þá höfum við bara fengið eitt stig út úr því. Mér fannst við ekkert spila neitt rosalega vel í dag. Mér fannst þetta vera alveg ekta leikur þar sem að þetta er fjórði leikurinn á tólf dögum hjá okkur. Mikil þreyta komin í leikmenn og lappirnar fylgja kannski ekki með það sem hausinn vill gera og mér fannst þessi leikur svolítið bera þess merki."

„Ég er ótrúlega ánægður með karakterinn í liðinu að komast eitt núll yfir og ná að halda því og vera líklegri til þess að bæta við. Við náðum að halda hreinu og Daði kemur inn hérna í sínum fyrsta leik og stendur sig vel og heldur hreinu og það er hrikalega jákvætt."

Njarðvíkingar eru í gríðarlega þéttum pakka í baráttu um að ná umspilsæti fyrir Bestu deildina og var sterkt fyrir heimamenn að ná í öll stigin í kvöld fyrir þá baráttu.

„Auðvitað er það nátturlega frábært. Það eru nátturlega þessi einu stig sem við erum búnir að vera fá hérna síðustu leiki hafa gert voðalega lítið fyrir okkur. Við erum allt í einu komnir einhvernveginn aðeins lengra frá þessum pakka sem við erum búnir að vera í, í eiginlega allt sumar. Ef þú tengir tvo, þrjá sigra í þessari deild að þá ertu kominn lengst upp og ef þú tapar tveim, þrem leikjum þá ertu kominn neðar. Þetta er ótrúleg deild en þett fer svona að skiljast núna held ég í næstu tveim leikjum eða þessa umferð og svo næstu og þá verður kominn skýrari mynd á þetta hvernig þetta mun líta út held ég."