Abdoulaye Doucoure.
Abdoulaye Doucoure var bannað að æfa með liðsfélögum sínum hjá Everton eftir að hann reifst við stjórann Frank Lampard eftir tap gegn Southampton.
Rifrildið þeirra á milli hélt víst áfram á æfingasvæði Everton í síðustu viku og Lampard setti þennan þrítuga miðjumann í agabann.
Rifrildið þeirra á milli hélt víst áfram á æfingasvæði Everton í síðustu viku og Lampard setti þennan þrítuga miðjumann í agabann.
Doucoure var látinn æfa einn á meðan lið Everton bjó sig undir leikinn gegn West Ham, sem tapaðist einnig.
Hann á hálft ár eftir af samningi sínum við Everton. Talinn er möguleiki á því að hann gæti farið til Fulham núna í janúarglugganum. Marco Silva, sem var stjóri hans hjá Watford, vill fá hann til Fulham.
Everton er í fallsæti og Lampard er í sjóðandi heitu sæti. Það kæmi hreinlega gríðarlega á óvart ef hann verður við stjórnvölinn þegar Everton mætir Arsenal þann 4. febrúar á Goodison Park.
Athugasemdir
