Dortmund borgar 25 milljónir punda fyrir Bellingham auk árangurstengdra bónusgreiðslna.

Bellingham er 17 ára miðjumaður og var eftirsóttur af Manchester United og öðrum stórliðum auk Dortmund.

Hann er uppalinn hjá Birmingham og klæddist treyju númer 22. Eftir brottför Bellingham ákvað félagið að frysta treyjunúmerið og því mun enginn leikmaður félagsins klæðast þeirri treyju aftur.

Bellingham er elskaður í Birmingham og litið á hann sem frábæra fyrirmynd. Hjá Dortmund á hann bjarta framtíð fyrir sér enda hjá félagi sem er frægt fyrir að spila á ungum leikmönnum.