Miðjumaðurinn Guðlaugur Victor Pálsson spilaði í kvöld sinn fyrsta deildarleik með Schalke er liðið tapaði á mjög svekkjandi máta gegn Hamburg.
Þetta eru tvö stór félög í Þýskalandi en þau leika núna bæði í B-deildinni. Schalke féll á síðustu leiktíð og sótti Guðlaug Victor frá Darmstadt í sumar.
Schalke tók forystuna snemma og var 1-0 yfir í hálfleik. Hamburg jafnaði snemma í seinni hálfleik og gekk svo frá leiknum á síðustu tíu mínútunum. Gríðarlega svekkjandi fyrir Schalke en það eru 33 leikir eftir í deildinni á þessu tímabili.
Aron Jó ekki með
Í Póllandi var sóknarmaðurinn Aron Jóhannsson ekki með Lech Poznan er liðið gerði markalaust jafntefli við Radomiak Radom í fyrstu umferð pólsku úrvalsdeildarinnar.
Athugasemdir