Steve Dale eigandi Bury.
Enska félagið Bury verður rekið úr ensku deildarkeppninni á miðnætti ef nýr eigandi kaupir ekki eða eigandi þess komi með fjármagn í reksturinn.
Bury hefur verið í bullandi fjárhagsvandræðum en félagið skuldar starfsfólki og leikmönnum laun og hefur ekki ennþá spilað leik í ensku C-deildinni á þessu tímabili.
Bury hefur verið í bullandi fjárhagsvandræðum en félagið skuldar starfsfólki og leikmönnum laun og hefur ekki ennþá spilað leik í ensku C-deildinni á þessu tímabili.
Fjórir aðilar hafa lýst yfir áhuga á að kaupa félagið í vikunni en Steve Dale, eigandi þess, hefur ekki ennþá viljað selja.
Dale er afar óvinsæll hjá stuðningsmönnum og starfsfólki Bury. Dale keypti félagið í fyrra og ætlaði að bjarga því frá gjaldþroti en nú er allt í rugli hjá félaginu.
Eins og staðan er núna bendir því allt til að Bury verði rekið úr ensku deildarkeppninni í dag og það verði endalok félagsins.
Athugasemdir
