Hallgrímur Mar fyrirliði KA
KA fékk Grindavík í heimsókn í dag á Greifavöllinn í næst síðustu umferð Pepsí-deildar karla og unnu 4-3 sigur. Hallgrímur Mar Steingrímsson fyrirliði KA manna sagði að þessi leikur hefði verið virkilega skemmtilegur og verðskuldaður sigur hjá KA.
Lestu um leikinn: KA 4 - 3 Grindavík
„Þetta var fyrst og fremst erfiður leikur, sanngjarn sigur samt sem áður. Það hefðu hæglega getað komið fleiri mörk á báða boga og var geggjaður leikur fyrir áhorfendur!"
Hallgrímur skoraði einkar laglegt mark í upphafi leiks og sagðist vera viss um að hann væri að fara að skora. Einnig lýsti hann yfir stolti yfir að bera fyrirliðabandið hjá félagi sem hann hefur verið hjá í að verða áratug.
„Ég sá að Steinþór kom í overlappið og opnaði fyrir mér svo ég köttaði inn og vissi allan tímann að ég væri að fara smyrja hann inn. Það er mikill heiður að vera fyrirliði KA, þetta er mitt félag þar sem ég er búinn að vera hérna í næstum því 10 ár."
KA er í 6.sæti deildarinnar og það þarf mikið að gerast til að þeir fari úr því og kveðst Hallgrímur ánægður með árangur sumarsins.
„Við vildum auðvitað gera betur en í fyrra og það þarf eitthvað ótrúlegt að gerast til að við missum þetta 6.sæti. Við förum samt að sjálfsögðu í síðasta leikinn til að vinna hann, það er ekki spurning!"
Athugasemdir
