Brest kemur ekki á jafn mikilli siglingu inn í leikinn því liðið hefur tapað fimm af síðustu sjö leikjum sínum og rétt skreið inn í úrslitaleikinn á útivallarmörkum. Sagan er þó með Brest í liði því Brest hefur unnið BATE í síðustu þrjú skipti sem liðin hafa mæst í úrslitaleikjum. Þá er horft í bikarúrslitin og Ofurbikarinn.

Bate er á toppnum á hvítrússnesku deildinni og er níu stigum á undan Brest sem er í 9. sæti.

Willum Þór Willumsson er leikmaður BATE og hefur hann leikið vel á tímabilinu. Willum hefur að undanförnu verið að byrja annan hvern leik og spilað lokakaflann í leikjunum á móti.

Willum kom inn á í síðasta leik, sem var einmitt gegn Brest í deildinni, svo ef rútínan heldur áfram þá ætti Willum að byrja í dag.

Leikurinn hefst klukkan 14:00 að íslenskum tíma