Ágúst Gylfason.
„Hetjuleg frammistaða af okkar hálfu," sagði Ágúst Gylfason, þjálfari Gróttu, eftir 1-1 jafntefli gegn ríkjandi Íslandsmeisturum KR á Meistaravöllum.
Lestu um leikinn: KR 1 - 1 Grótta
Grótta fékk rautt spjald í stöðunni 0-0 undir lok fyrri hálfleiks. Gestirnir komust hins vegar yfir en KR náði að jafna þegar 20 mínútur voru eftir af venjulegum leiktíma.
„Að spila tíu gegn KR á útivelli er gríðarlega erfitt. Við sýndum gríðarlega mikinn karakter og vörðum mark okkar vel. Þetta eina stig miðað við hvernig þetta þróaðist allt er mjög ásættanlegt."
Gróttumenn voru ekki sáttir við rauða spjaldið sem Sigurvin Reynisson fékk.
„Menn töluðum fljúgandi tveggja fóta tæklingu. Mér fannst þeir báðir fara í boltann. Menn töluðu líka um tveggja fóta tæklingu á Pablo. Ég skil ekki alveg þetta rauða spjald, en ég á eftir að skoða það betur. Við spiluðum einum færri, en vorum vel skipulagðir og náðum meira að segja að setja mark á KR-inga."
Grótta er með átta stig, sjö stigum frá öruggu sæti eins og staðan er núna. Næsti leikur liðsins er við KA.
„Við hugsum um þann leik núna. Við erum að vonast til að við halda okkur inn í mótinu og að fá úrslitaleik gegn KR í lokaleik, það væri draumur í dós."
Viðtalið er í heild sinni hér að ofan.
Athugasemdir
