Shaun Wright-Phillips er búinn að leggja skóna á hilluna eftir 18 ára feril sem atvinnumaður í knattspyrnu.
Hann gerði garðinn frægan með Manchester City, Chelsea og enska landsliðinu en er orðinn 37 ára gamall og ekki búinn að spila í tvö ár.
Wright-Phillips skoraði 6 mörk í 36 landsleikjum og var valinn efnilegasti leikmaður ársins fjögur ár í röð hjá Man City.
Hann var fenginn yfir til Chelsea og var valinn í úrvalsdeildarlið tímabilsins á sínu fyrsta ári hjá félaginu, tímabilið 2004-05.
Bróðir Shaun heitir Bradley Wright-Phillips og er markahæsti leikmaður í sögu New York Red Bulls. Ian Wright er stjúpfaðir þeirra.
Sonur Shaun, D'Margio Wright-Phillips, er 17 ára og leikur fyrir unglingalið Man City.
Athugasemdir