Fótbolti.net

Jóhann Birnir: Þurfum að vera með fókus á það sem við erum að gera

Árni Freyr: Vorum litlir í okkur og náðum ekki að höndla svona barning

Bergvin stóð við stóru orðin - „Gaman að hafa smá banter í þessari deild"

Gunnar Már: Það var eins og við vorum manni færri

Gústi Gylfa: Rautt spjald snýst ekkert um agavandamál

Farið á þrjú stórmót og þetta er besta umhverfið

„Hvað gerðist ekki í þeim leik?"

Ræða forsetans gladdi - „Við sögðum allt sem lá á hjartanu"

Sveindís: Veit ekki hvort þeir hafi séð þetta fyrir sér fyrir nokkrum árum

Bjarni Jó: Sagði að nú vilja Gummi Tóta, Sævar Gísla og allir koma

Haraldur Freyr: Réðum öllu á vellinum

Hrannar Snær: Mjög sáttur með mína frammistöðu það sem af er

Dóri Árna: Slakasti hálfleikurinn í sumar

Maggi Már: Bara einn staður sem þeir eiga að vera á og það er hérna í 270

Siggi Höskulds: Þetta á að skila sigri alveg sama á hvaða velli

Venni: Þetta er algjört lúxusvandamál sem ég glími við

Tómas Bjarki: Þetta er alveg kúnst

Halli Hróðmars: Leikplanið fór út um gluggann snemma í dag

Gunnar Heiðar: Þegar lestin er farin af stað er helvíti erfitt að stoppa hana

Jakob Gunnar: Einhver skrítnasta skottækni sem ég hef séð

sun 25. ágúst 2024 20:19

Haraldur Örn Haraldsson

Rúnar Kristins: Menn virðast ekki vita það, hvorki ég né dómararnir

Mynd: Fótbolti.net - Hafliði Breiðfjörð

Rúnar Kristinsson þjálfari Fram var svekktur með úrslti kvöldsins eftir að liðið hans tapaði fyrir KA 2-1 á Lambhagavelli.

Lestu um leikinn: Fram 1 - 2 KA

„Maður er bara sár og svekkur, því maður vill auðvitað fá víti en svo er bara það mat dómara hvort þetta sé hendi eða ekki hendi. Menn virðast ekki vita það, hvorki ég né dómararnir, margir fótbolta áhugamenn ekki alveg með á hreinu hvenær á að dæma hendi. Oft er þetta mats atriði og hann metur þetta bara þannig. Svo fer bara boltinn upp hinumegin, fyrirgjöf og skallamark. Við verjumst því illa, við hefðum getað gert það betur og það er eitthvað sem við þurfum að laga. Við getum ekki kennt dómaranum um okkar ófarir, hann dæmdi svo sem ágætlega og þetta var flottur leikur. Mér fannst við vera mjög flottir í fyrri hálfleik og stýra leiknum og ógna KA mönnum mjög mikið. Svo var þetta töluvert jafnara í síðari hálfleik og mjög skemmtilegur leikur. Maður er fúll að tapa því ég held að jafntefli hefði líkast til verið sanngjörn úrslit. Ofboðslega fúlt að tapa þessu svona þegar maður vill fá vítaspyrnu öðru megin, fær hana ekki og þeir fara upp og skora. Þá verður maður náttúrulega alveg brjálaður, hvort maður hafi rétt fyrir sér eða ekki, það veit ég ekki."

KA fer upp fyrir Fram í deildinni með þessum úrslitum sem þýðir að Fram er ekki lengur í efri helmingnum. Það eru tveir leikir eftir fyrir skiptingu og þá þarf Fram að vinna sína leiki, og treysta á önnur lið ef þeir ætla að komast upp fyrir strik fyrir skiptingu.

„Ég veit að við erum ekki í topp 6 ennþá, það eru tveir leikir eftir. Ég sagði það fyrir mótið að við vildum vera í þeirri stöðu að þegar kæmist að síðustu umferðunum vildum við vera í möguleika á að vera í topp 6. Við erum ennþá í þeim möguleika, það á mikið eftir að gerast. Við þurfum bara að halda áfram, sjá hvað gerist í næsta leik og bara að fara að vinna. HK þarf líka að vinna og við erum að spila við þá. Deildin er bara þannig að það er hörkuspenna bæði á toppi og botni, komast í topp 6 og komast úr botnbaráttu. Þannig það er enginn leikur gefins fyrirfram, þetta er allt erfitt og það eru allir leikir erfiðir. Við verðum bara að halda áfram."