„Þetta er frábær tilfinning. Við vissum að þetta yrði erfiður leikur á móti Stjörnunni," sagði Jóhannes Karl Guðjónsson, þjálfari ÍA, eftir 2-0 sigur á Stjörnunni í Pepsi Max-deildinni í dag.
„Þeir hafa kannski ekki alveg náð að finna sitt rétta form en eru líkamlega sterkir og þeir voru að prófa okkur með sinn leik í dag. Við vissum að þetta yrði mjög erfitt en tilfinning að ná þessum þremur stigum, skora tvö mörk og halda hreinu er náttúrulega frábær."
„Þeir hafa kannski ekki alveg náð að finna sitt rétta form en eru líkamlega sterkir og þeir voru að prófa okkur með sinn leik í dag. Við vissum að þetta yrði mjög erfitt en tilfinning að ná þessum þremur stigum, skora tvö mörk og halda hreinu er náttúrulega frábær."
Lestu um leikinn: ÍA 2 - 0 Stjarnan
ÍA komst upp úr Inkasso-deildinni en situr núna á toppi Pepsi Max-deildarinnar þegar sex leikir eru búnir með 16 stig.
„Það er frábært að vera búnir að ná þessum stigafjölda núna. Að vinna þessa leiki - eina jafnteflið gegn Fylki - það er frábært. Strákarnir eiga heiður skilið fyrir það hvernig þeir nálgast hvern einasta leik. Það eru náttúrulega bara þrjú stig í boði í hverjum leik þegar maður kemur inn í hann. Nálgunin er bara næsti leikur í bikar, við ætlum að vinna hann."
„Það er alltaf bara næsti leikur sem skiptir máli."
Viðtalið er í heild sinni hér að ofan.
Athugasemdir
