Charlton fagnaði á Wembley í gær.
Sunderland komst upp í úrvalsdeildina.
Það hefur verið nóg að gera á Wembley leikvangnum þar sem úrslitaleikir í umspilum neðri deilda Englands hafa verið leiknir undanfarna daga.
Á sunnudag komst Sunderland upp í úrvalsdeildina með dramatískum sigri gegn Sheffield United þar sem táningurinn Tommy Watson skoraði sigurmarkið.
Á sunnudag komst Sunderland upp í úrvalsdeildina með dramatískum sigri gegn Sheffield United þar sem táningurinn Tommy Watson skoraði sigurmarkið.
Þá er Charlton komið aftur upp í Championship-deildina eftir fimm ára fjarveru en liðið vann 1-0 sigur gegn Leyton Orient í gær. Macaulay Gillesphey skoraði eina markið úr aukaspyrnu í fyrri hálfleik.
Í dag vann Wimbledon síðan sigur á Walsall og komst upp í C-deildina. Myles Hippolyte skoraði eina mark leiksins með þéttingsföstu skoti í uppbótartíma fyrri hálfleiksins. Mikið svekkelsi fyrir Walsall sem var um tíma með tólf stiga forystu í deildinni en endaði á því að síga niður í umspilið.
Hér má sjá hvaða lið eru að fara upp og niður í fótboltastiganum á Englandi:
Niður úr úrvalsdeildinni: Leicester, Ipswich og Southampton.
Upp úr Championship: Leeds, Burnley og Sunderland.
Niður úr Championship: Luton, Plymouth og Cardiff.
Upp úr C-deildinni: Birmingham, Wrexham og Charlton.
Niður úr C-deildinni: Crawley, Bristol Rovers, Cambridge og Shrewsbury.
Upp úr D-deildinni: Doncaster, Port Vale, Bradford og Wimbledon.
Athugasemdir
