Manchester United hefur formlega hafið viðræður við Wolves um kaup á brasilíska framherjanum Matheus Cunha. Blaðamaðurinn David Ornstein segir frá þessu á Athletic.
Cunha, sem er 26 ára gamall, hefur þegar ná samkomulagi við Man Utd, en félögin ræða nú hvernig á að greiða 62,5 milljóna punda klásúlu hans.
Man Utd setti sig í samband við Wolves í dag en félagið vill dreifa kaupverðinu yfir fimm ár á meðan Wolves vill að það sé greitt á tveimur árum, eins og segir til um í samningnum.
Ornstein býst ekki við að þetta muni hindra félagaskipti Cunha, sem er sagður spenntur fyrir því að ganga í raðir United.
Cunha hefur verið mikilvægasti leikmaður Wolves síðustu ár og skorað 29 deildarmörk á þremur tímabilum.
Athugasemdir
