Birna Kristín Björnsdóttir (FH)
Birna Kristín Björnsdóttir.
Birna í leik með FH.
Birna Kristín Björnsdóttir, leikmaður FH, er sterkasti leikmaður 7. umferðar Bestu deildar kvenna.
Hún átti stóran þátt í sigri FH-inga gegn Blikum en hún lokaði vel á sóknarleik Íslandsmeistarana í hlutverki sínu sem djúpur miðjumaður.
Hún átti stóran þátt í sigri FH-inga gegn Blikum en hún lokaði vel á sóknarleik Íslandsmeistarana í hlutverki sínu sem djúpur miðjumaður.
„Hljóp úr sér lungun sem djúpliggjandi á miðjunni og tengdi vel saman vörn og sókn. Skilaðu góðu dagsverki bæði varnarlega og sóknarlega," skrifaði Alexander Tonini í skýrslu sinni frá leiknum en hún og Arna Eiríksdóttir stóðu upp úr í FH-liðinu.
„Var nýlega valin í U23 ára landsliðið og frammistaðan hér í kvöld sannar að hún eigi heima þar," skrifaði Alexander jafnframt.
Birna Kristín, sem er fædd árið 2004, var þarna að spila á móti uppeldisfélagi sínu. Hún fékk aldrei almennilegt tækifæri í meistaraflokki Blika og skipti yfir til FH fyrir sumarið 2023. Í sumar hefur hún verið í lykilhlutverki í Hafnarfirðinum.
„Þetta var svakalegur baráttusigur," sagði Birna við Fótbolta.net eftir leikinn. „Þetta var frábært hjá liðinu."
„Mér leið vel í leiknum og einbeitingin var í hámarki. Ég gaf allt sem ég gat í þennan leik og er búin á því núna."
Hún er spennt fyrir komandi verkefni með U23 landsliðinu. „Það er frábært að vera valin í þennan hóp með þessum geggjuðu stelpum. Ég er spennt fyrir þessu verkefni," sagði Birna Kristín.
Sterkastar í síðustu umferðum:
1. umferð - Samantha Smith (Breiðablik)
2. umferð - Áslaug Dóra Sigurbjörnsdóttir (Víkingur R.)
3. umferð - Fanndís Friðriksdóttir (Valur)
4. umferð - Alda Ólafsdóttir (Fram)
5. umferð - Sandra María Jessen (Þór/KA)
6. umferð - Berglind Björg Þorvaldsdóttir (Breiðablik)
Athugasemdir
