Kroos: Bale bjóst við að skipta um félag

Real var næstum búið að losa sig við Bale í fyrra eftir margar tilraunir þar sem lið í kínverska boltanum var reiðubúið að fjárfesta í kantmanninum öfluga.

Bale var tilbúinn til að færa sig yfir til Kína en þá meiddist Marco Asensio alvarlega og gat stjórn Real því ekki leyft velska landsliðsmanninum að fara.

„Það er ekkert leyndarmál að þetta ástand er ekki gott fyrir neinn innan félagsins. Hann (Gareth Bale) bjóst við að skipta um félag síðasta sumar," sagði Kroos.

„Félagið ætlaði að leyfa honum að fara en hætti svo við. Ég veit ekki hvort hann sé enn reiður útaf því. Þetta er erfitt viðfangsefni."