Byrjunarlið Mexíkó og Argentínu eru komin í hús. Argentína tapaði mjög óvænt gegn Saudí Arabíu í fyrstu umferð og Mexíkó gerði jafntefli gegn Póllandi.
Það eru þrjár breytingar á liði Mexíkó en Jorge Sanchez, Edson Alvarez og Henry Martin fá sér sæti á bekknum. Nestor Araujo, Kevin Alvarez og Andres Guardado koma inn í þeirra stað. Guardado tekur við fyrirliðabandinu.
Eðlilega var mikil óánægja með frammistöðu Argentínu og eru því fimm breytingar á liðinu, þar á meðal þrjár í öftustu línu. LIsandro Martínez kemur meðal annars inn og er við hlið gamla mannsins Nicolas Otamendi.
Þá kemur Alexis Mac Allister leikmaður Brighton inn í liðið.
Mexíkó: Ochoa, Montes, Araujo, Moreno, Kevin Alvarez, Herrera, Guardado, Chavez, Gallardo, Lozano, Vega.
Argentína: E Martinez, Montiel, Otamendi, Lisandro Martinez, Acuna, De Paul, Rodriguez, Di Maria, Messi, Mac Allister, Lautaro Martinez.
